Barca-in Dembele lafel ṭep

Barcelona chuan Borussia Dormund forward Ousmane Dembele chu khawvela player man to ber dawttu ni turin £138m (Euro 150m)-in an lalut fel ṭep.

German Club Dortmund hian Barca-in France forward kum 20 mi lei an dilna chu August thla khan an lo hnawl tawh a, hemi hnu hian Dembele hi suspend-in training-ah pawh a tel tawh lova, August ni 5-a German Super Cup hnu khan Dortmund tan a la inlan leh rih lo a ni.

Dembele hian thla 12 liam ta khan £13.8m (Euro 15m)-in Rennes aṭangin Dortmund hi a zawm a, 2015 khan professional football a khel ṭan chiah a, an ram France tan match 7 khel tawhin June thla khan England laka 3-2-a an chak ṭumin France tana a goal hmasa ber a thun a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram