Kum 2008 aṭanga tun thlengin Mizoram-ah a mamawhtute tana mit darthlalang (cornea) pe mi 590 an awm tawh a, heng aṭang hian cornea mamawh mi 335 te chu thlaksak an ni tawh.
Eye Donation Fortnight hawnna inkhawm, Health Worker Training School, Kulikawna nimina neihah Civil Hospital Eye Bank enkawltu Dr.Lalhmingmawii chuan a sawi a, Eye Donation Fortnight hi kumtin ram pumah August ni 25 atanga Sept. ni 8 inkarah hman thin a ni a. Kum 2008 July ni 31 khan Civil Hospital, Aizawl-ah Eye Bank hawn a ni a, thih hnu atana midangte tana an mit petute hi an mit lak anih hnuah hmel leh lan dan a ti hmelhem lo va. Mit lak chhuah chhung pawh min 10 atanga minute 15 inkar chauh a ni tih mithiamte chuan an sawi.