Mi 18 te dawr hawntir leh

YMA Sub Hqrs Lunglei-ten Lunglei khawpui chhunga Mizo hming hawha hnamdang sumdawng mi 19 te dawr tun thla ni 1 aṭanga an khartir aṭangin mi 18 te chu intiam-kamna nen an dawr hawntir leh an ni.

YMA Sub Hqrs Lunglei hruaitute chuan tun hnaia Mizo hming hawha hnamdang sumdawng nia an hriat dawr an khartir mi 8 te chu kar hmasa khan intiamkamna nen an hawntir hnuin dawr dang 10 te pawh tunah hian an sumdawn-na te Mizo ngeiin enkawl tura intiamkamna an ziah hnuah an dawrte an hawn chhunzawm tir leh a, dawr pakhat erawh an lehkha pawimawhte an la zirchiang mek tih an sawi.