Ni 2 kal ta vel aṭanga ruahtui a tlâk leh avangin Khawthlangtuipui chim chin nasa takin a san belh leh a, nimin tlai khan Tlabung Veng-hluna chenna in pahnih te chu tuiin a chim bakah, chenna in 5 vel chu tuilianin a chim mai a hlauhthawnawm bawk.
Tun ṭum hi kumin chhunga khawsakphung tikhaihlak khawpa Khawthlangtuipui a len vawi 3-na a ni a, Khaw-thlangtuipui a len hmasak ṭum 2-naa tui chim chin thleng chiah lo mah se, nizana a len chhunzawm zel chuan chhiat-na lian tham zawk thleng thei a nih thu thulakna chuan a tarlang a, Fur ruahtui a han hleih theih meuh loh avangin, June thlaa nasa taka tui a len aṭang khan tui chim chin a tlahniam mawh hle a, tuipui hnaiha awm chhungkaw engemaw zat chu a ṭul huna hmun him lama insawn turin an inbuatsaihlawk a ni.