Skip to content
Home » Chanchinthar » PMKSY chungchangah Review Meeting neih a ni

PMKSY chungchangah Review Meeting neih a ni

Nimin khan Agriculture Committee Room-ah PMKSY Review Meeting neih a ni a, District hrang hranga District Agriculture Officer te leh Department Officer pawimawh dangte an tel a ni.

Pu J. Lalzamliana, Director of Agriculture (Crop Husbandry) chuan Review Meeting neih hian rah ṭha a chhuah ṭhin chu lawmawm a tih thu a sawi a, Agriculture Department Officer-ten hnathawh hrang hrangte an vil ngun ṭhin tur leh hnathawh tur hmunhma te felfai taka thlang chhuakin Scheme dangte nena kalkawp theih dan zawng tel zel turin a chah a, Agriculture Department hmalakna leh hnathawh reng rengah kuthnathawktuten a ṭangkai thei ang berin an chhawr theih tura kalpui a pawimawh ber a ni, a ti.

Nimina Review Meeting-ah hian Subject Matter Specialist Pu Pradip Chhetri chuan Power Point hmangin Scheme kalphung leh hnathawhte zirtirna hun a hmang a, District Agriculture Officer-ten an District ṭheuha an hmalak dan Power Point hmangin an entir bawk a. Kum 2017-2018 chhunga hmalak lehna tur ‘Action Plan’ te thlirho nghal a ni bawk.

PMKSY Scheme hi Agriculture Department bakah Horticulture, Rural Development leh Irrigation & Water Resources Department ten an thawk a, buh leh bal thar chhuah leh ram leilung enkawl leh venhimna kawngah tui pawimawhzia hriain sawrkar laipui chuan he Scheme hi a din a, a tum ber chu buh leh bal chinna hmun reng rengah tui a awm tur a ni a, hetihrual hian a awmsa pawh a ṭangkai thei ang bera hman leh ruahtui luangral mai mai turte pawh ṭangkai zawka hmandan ngaihtuah bakah ram leilung a tihchhiat mai loh nana hmalak leh enkawl te a huam bawk a ni.

Leave a Reply

This site uses Akismet to reduce spam. Learn how your comment data is processed.