Raonic pawh US Open-ah a tel thei dawn lo

Karleh Thawhṭanni aṭanga khelh ṭan tur US Open aṭangin player ṭha ṭhenkhat te an inhnukdawk zel a, World number 11 Milos Raonic pawh a inhnukdawk ve leh.

Canadian kum 26 mi, Raonic inhnuhdawk chhan hi a banrek hliam vang a ni a, mahse kum 2017 kumtawp hma chuan Tennis khelh leh tumin ruahmanna a siam a ni.

Champion lai Stan Wawrinka pawhin Flushing Meadows-ah hian a khup hliam vangin a title humhim tumin a bei thei dawn lova, Kiu nâ Novak Djokovic leh Victoria Azarenka te pawh an tel dawn lova, World number 10 Kei Nishikori pawh a banrek dinglam nâ vangin a tel thei dawn lo bawk a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram