Zothlifim Logo
Loading ...

Mizoram Pradesh Congress Committe (MPCC) chuan thuchhuah siamin Mizoram Sawrkar chuan kum 2009 aṭanga June, 2017 thlengin a hnathawkte lakah eirukna (corruption) avang leh thil dang avangin mi 1697 kut a thlak a, CSS (CCA) Rules, 1965 angin heng a hnathawkte lakah hian Disciplinary Action a la a ni, an ti.

MPCC chuan mimal nun inhumhim sak hi RTI Act, 2005 dan hnuaiah Section 8 [i] (j) hian a kengkawh tlat a, Supreme Court pawhin hemi chungchangah hian a judgement order (Special Leave Petition (Civil) HO. 27734 of 2012) a siam a, hei vang hian sawrkarin mimal chungah hremna a lekkawh te hming hi puanzar khap tlat a ni, an ti a.

Mizoram sawrkar pawhin PRISM hovin RTI hmanga Vigilance Department kaltlanga Mizoram sawrkar hnenah zawhna an siam ‘Tute nge sawrkarin eiruk vanga a hrem tawh te mi 1500 te chu?’ tih an zawhna sawrkarin a chhânna (No. B. 12018/2/2012-VIG, Dated Aizawl, the 31st July, 2017) ah khan Chief Minister-in mi 1500 eiruk vanga hrem anga a sawi kha thudik lo a ni tih anga ngaih tur pakhatmah a awm lova, he dan hi an zawhna chhan theiha nih lohna chhan, mimal hming tarlan danin a phalloh thu sawrkar chuan PRISM a hrilh chauh zawk a ni, an ti.