Principal Chief Conservator of Forest (PCCF) Pu Rosiama Vanchhawng hovin, Environment and Forest Department hotuten Serlui ‘B’ Tuikhuah leh a chhehvel ramngaw humhalh dan tur leh Eco-Tourism lam tih hmasawn dan tur an enfiah.
A chhehvelah kumtin lo vât ṭhahnem tak an la awm reng bakah a ruka thing zai ṭhinte pawh an awm avangin Serlui B chhehvel ramngaw hi a chereu chho zel tih thulakna chuan a tarlang a, a hmuna tlawhtu PCCF Pu Rosiama Vanchhawng chuan Serlui tuikhuah kam ramngaw te chu Riverine Forest Reserve a nih thu leh Forest department-in a humhalh tlat thu a sawi a, tun thlenga Builum khuaa la khawsa chhungkaw enge-mawzat te dinhmun pawh chinfel a hun tawh a ni a ti.