Zoram Exodus Movement, Serchhip District chuan Thawhlehnia Mizoram People’s Conference (MPC) Party, Zoram Nationalist Party (ZNP) leh Zoram Exodus Movement (ZEM)-te’n kum 2018 Assembly inthlanah Mizorama sawrkar ṭha piantir tura thawhhona thuthlung an ziak chu ṭha an tih thu leh an thlawp tlat thu thuchhuah siamin an sawi a, a hlawhtlin ngei theih nan theihtawp chhuah an tum thu an sawi bawk.
ZEM, Serchhip District thuchhuah chuan MPC, ZNP leh ZEM te thawhhona huangah hian thinlung leh tihtakzeta ram leh hnam vei, Zoram siamṭhat duhtute chu an leng vek a, mimal leh pawl ang te, ṭhianzaho ang te pawha anmahni zawm zel turin Zoram mipui zawng zawng an sawm tih an sawi a ni.
Tarlan tawh angin Thawhlehni khan MPC, ZNP leh ZEM aiawhte chuan kum 2018 Assembly Inthlanah Mizo-ramah sawrkar ṭha piantir turin thawhho an remti a, thawh-hona thutlung an ziak a ni.