World Cup Qualifying-ah Argentina che ṭha lo zel

Argentina chuan World Cup Qualifying-ah harsatna tawk chhunzawm zelin table-a a hnuai lama awm Venezuela chu 1-1-in an draw.

Jhon Murillo chuan mikhual Venezuela hi hma a hruaipui a, second half-ah Venezuela player own goal chu Argentina hian point 1 hmuh nan an hman phah ve ta hram a ni.

Game hnih khelh tur la awmah Argentina hi South American standing-ah panganaah an awm mek a, South America-a a sang 4 te hi automatic-in an qualify dawn a, pangana hian two-leg play-off hmangin New Zealand an hmachhawn a ngai dawn a ni.

South America Table-ah Brazil chu a sang berah awmin point 37 hmu-in an qualify tawh a, pahnihnaah Uruguay chu 27-naah an awm a, Colombia chuan point 26 hmuin pathumnaah an awm a, Peru leh Argentina te chuan point 24 ve ve an nei a, Peru hi palina an ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram