Andy Murray chuan a khel hliam vangin tun season pumpui deuh thaw chu chu a chawlh a ngaih dawn thu a sawi.
British World No. 2 Murray hi US Open aṭangin Tournament ṭan hma ni 2 la awmah a inhnukdawk a, July thlaa Wimbledon-a a inlan hnu khan a la inlan leh ta miah lo a ni.
Kum 30 mi, Murray hi October-a Beijing leh Shanghai-a ATP tour events awm tur atan pawh a inhnukdwk a, October thla tawpa Vienna leh Paris-a event pawh a khelh theih loh rin a ni.
Murray chuan, “He thutlukna hi kan hma lam hun rei zawk ngaihtuaha thutlukna ṭha ber a ni,” tiin a sawi a, Social Media lama a post dan chuan Murray hian 2018 season chu Brisbane International-ah a ṭan dawn tih a sawi a, Brisbane International hi Australian Open khelh tur atana inbuatsaihna atana hman ṭhin a ni a, January ni 15-ah Australian Open hi khelh a ni dawn a, Brisbane International hi January ni 1 aṭanga khelh ṭan a ni ang.
Murray chuan, “Ka chawlh hun tur leh inenkawl hun chhung tur a sei leh takah chuan ka ṭhat theih dan berin ka rawn kir leh dawn a, season lehah Grand Slam title ka rawn chuh ve leh ang,” tiin a sawi.