Thuneitu sâng te hnenah thlen

Lawngtlai District, Ngengpuikai leh Mampui khuaa loneitute thlawhma, Saiin a tihchhiatsakte chu zangnadawmna pek an nih theih nan sawrkar chuan thuneitu sâng zawk te hnenah thlen a ni tawh tih an sawi.

Tunhnai khan Ngengpui Sanctuary-a Sai nia hriat te chuan Ngengpuikai leh Mampui a loneitu chhungkaw 6 te thlawhma chu an tichhe nual a, heng loneitute hian Chhimtuipui Wildlife Division Deputy Conservator of Forest, Lawngtlai ah an thlen tawh a, DCF, Pu PC Lalchhandama chuan, Saiin thlawhma a tichhiatsak te hian zangna-dawmna an hmuh ngei theih nan sawrkar chuan hma a la nghal tih sawiin, thuneitu sâng zawk a thawn a nih thu a sawi.

Hetihlai hian Ngengpui Sanctuary chhunga ramsa leh sava te mi ṭhenkhatten thang hmangin an awk ṭhin tih DCF chuan sawiin, Sanctuary chhehvel khua te chuan Wildlife week hmanlai khan Sanctuary chhung a thangkam sût hnatlang an nei a, ramsa leh sava thang chi hrang hrang 50 chuang an sût a, heng an thang sutte hi DCF kut ah an hlan nghal a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram