Paragliding World Cup neihna tur tlawh

Nakum February ni 10-16 chhunga Serchhip Bawng-chawm Chuanhnuai rama Paragliding Accuracy World Cup 2020 and Grand Festival neihna hmun tur chu nimin tlai khan C.Lalramzauva, Adviser to Chief Minister chuan a tlawh.
He hmun tlawhtu C.Lalram-zauva chuan Serchhipin khaw-vel huap pawha thil pawimawh ni phak Paragliding hmun \ha kan nei chu a lawmawm a tih thu sawiin, Mizoram Chief Minister Zoramthanga kaih-hruaiin ngai pawimawha ruahmanna hrang hrang siama a bawhzui chu lawmawm a tih thu leh a hlawhtlin theih nana a theih dan kawng kawnga bawhzui a tum thu a sawi a. Serchhip mipui pawhin a hlawhtlin theih nana neitu thin-lung pua he thil hi an dawn-sawn a pawimawh a ni a ti.
C.Lalramzauva hi Sport Council Secretary C.Laltlan-thanga, PWD Serchhip EE Lalthlamuani, MASA Sub Hqrs Serchhip President C.Lalhming-hlua leh a thawhpui bakah tualchhung chanchinbumi-ten \awiawmin an hmalak tawh dan te an lo hrilhfiah a ni.
Paragliding Accuracy World Cup 2020 and Grand Festival neihna tur hian tun hma lama mi pakhat chauh thlawh chhuah theihna thin chu tunah hian a ruala mi 5 vel thlawh chhuah theih nan siam a ni a. Nikum 2018 ah khan Pre-Wold cup hlawhtling taka neih a lo ni tawh a. Chutih laia NH-54 kawngpui a\anga a pan chhoh-na kawng zim leh chho ulh tak KM khat chu Mizoram Aero-sport Association leh Serchhip-III VC te hmalaknaa lai zauvin, a kawng chho ulh lai hêlna siam a ni tawh a. One way-a siam turin Bawngchawm khaw hmun hlui panna lam KM 3 vel pawh siam\hat tura hma lak niin, kawng siam\hat tur hi State level Organising Committe meeting thuchhuak angin PWD te kutah dah a ni tawh bawk.
A \umna hmun tur Mat phai Zawlpui leilet zawlah neih theih dan tur kawng dap mek niin, a hmun nghet neih theih a nih loh chuan hire system-a hman dan kawng zawn a ni dawn a ni.
Helai hmun hi Serchhip leh Kei\um inkar, Bawngchawm khaw hlui, Chuanhnuaia rama awm a ni a, helai hmun hi Paragliding lama mithiamte chuan Asia ramah pawh a \ha ber leh hmun him ber pawl niin an sawi a ni.

RELATED ARTICLES
November 11, 2019
November 8, 2019
November 8, 2019
November 6, 2019
November 6, 2019