Leisekawt Field laih zauhna tur bultanna pualin hun hmang

Nimin khan Leisekawt Field laih zauh bul \anna chu Leisekawt Field-ah Robert Romawia Royte, Sports Minister leh C.Lalramzauva, Adviser to Chief Minister-te telpuiin neih a ni.
He inkhawm T. Zadingliana, President, MNF East Block, Serchhip kaihhruaiah hian Minister chuan Serchhip mipuiten an beisei Leisekawt Playground laihzauh hna \an theiha a lo awm ta chu lawm-awm a tih thusawiin, Chief Minister Zoramthanga leh Adviser to CM C.Lalramzauva te hmalakna rah a nih thu a sawi a. A zauhna tur hmunhma neitu Rural Development Department changtu Minister Lalruat-kima chungah pawh lawmthu kan sawi a, K|P General Conference dawn tur paha Serchhip-in assets \ha a nei tur chu lawmawm a tih thu sawiin, field laih zauhna atan hian cheng nuai 195 dah a nih thu leh hei hi Sports Department-in a thawk dawn tih a sawi a, Field laihzauh in a tihchhiat tur RD Deptt. staff quarters thar pariat sakna tur pawh cheng nuai 372 dah fel ni tawh tih a sawi a, vawiin a\angin excavator pathum talin lai \an nghal se a duh thu a sawi bawk.
C. Lalramzauva pawhin thusawiin, Serchhip mipuiten an duh ngawih ngawih Leisekawt Playground laih zauh hna \an a ni dawn ta chu a lawm hle tih sawiin, Chief Minister hmalakna rah a nih thu a tarlangin, Serchhip chu opposition bial ni mahse CM hian ram laili-ah assets \ha tak dah \ul a ti a, budget-ah pawh Leisekawt laih zauhna tur dah a ni lo chungin an ngenna avangin hmalak a ni a, a bul ber chu CM duhsakna vang a ni a ti a, ram petu RD Department pawh ram thehchhuah tur an nei chu lawmawm an tih ve tho a rin thu a sawi.
He hunah hian H. Biakzauva, MLA, Lawngtlai East bialtu pawhin thusawina hun a hmang bawk a ni.
Upa Vanlalchhunga, Chair-man, K|P General Conference, 2020 Organising Committee chuan inlawmna thusawiin, Leisekawt Field laihzauh a nih theihna atana hmalakna hrang hrangte a sawi a, programme hman zawh hian Sports Minister chuan bawngtuthlawha chêkin a laihzauh bul a \an a, chumi hnuah Adviser to CM leh midangten an chek zui ve leh a ni.