ATP Finals-a semi-final lut hmasa ber – Dominic Thiem

Dominic Thiem chuan Novak Djokovic hnehin, London-a ATP Finals khelha meka semi-final lût hmasa ber a ni ta.

Australian star hian 6-7 (5-7), 6-3, 7-6(7-5)-a Djokovic hnehin semi-final hi a thleng a, Djokovic leh Roger Federer-te chuan final-a Thiem hmachhawn leh tur hian vawiina an group match hnuhnung berah an inbei dawn a ni.

Federer hian Pathianni khan round robin match hmasa berah Thiem hi a lo hneh lo tawh a, hemi hnu hian Matteo Berrettini laka 7-6 (7-2), 6-3-a chakin semi-final thlen a beiseina a tinung thar leh a, vawiina Djokovic a hneh chuan semi-final hi a thleng thei dawn a ni.

ATP Finals-ah hian Djokovic, Federer, Thiem leh Berrettini-te chu Bjorn Borg group-ah an awm lova, group lehlam, Andre Agassi Group-ah Rafael Nadal, Daniil Medvedev, Stefanos Tsitsipas leh Alexander Zverev-te an awm bawk.