Damchhung tâng turin rel

Kolasib Fast Tract Court chuan hmeichhia pawngsual a, thatzuitu Benjamin Lalremruata chu hreawm taka damchhung jail tang turin a chung thu a relsak.

Pawikhawihtu hian kum 2016 November ni 3 khan Lalenkawli, Diakkawn Salem Veng chu Rengtetlangsangah khawihin a that zui a, a ruang hi ni 2 hnuah a thahna bul, Zahmingthanga huanah chhar a ni. Kolasib Police te chuan he thil thlengah hian Benjamin hi ringhlelin an man a, thu an zawhfiah hnuah a tih a nih thu a sawi a.

Kolasib FTC Judge, Lalbiakzama chuan he thubuai a court thutlukna a tichhuak a. Benjamin hi IPC 302 hnuaiah thiam loh a chantir a, damchhung lungin tang tur leh `3000 chawi tura tih niin, pawisa chawi tur hi a neih loh chuan thla khat dang a tan belh a ngai dawn a ni. Hei bakah IPC 376(1) hnuaiah thiam loh chantir niin hreawm taka kum 10 tang turin a chungthu a rel sak bawk.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram