Small Industries Development Bank of India (SIDBI) puihnain nimin khan Cod Nerc chuan Aizawl veng hrang hranga dinhmun harsa taka eizawnna kawng zawh mekte tan Exposure Visit Zote Bakery, Chandmary Aizawl-ah mi 25 tan an buatsaih.
Zote Bakery an tlawh hian Lalrinmawia’n lo dawng-sawngin Zote Bakery-in hlawh-tlinna kawng a zawh theihna tura hma an lak dan hrang hrangte sawiin, “eng eizawnna pawh ti dawn ila, a bul ṭanna ah keimahni ngeia bul ṭantu leh thawk hah ber kan nih phawt a ṭul a, kan hna chiang taka hriat a; kan luh chilh thuk phawt hi a ṭul a, mi dang chhhawra chhang urna siam kan nih avangin mihring enkawl pawh thiam a ṭul hle a ni” a ti.
Zote Bakery bakah hian Lalrinmawia chuan mi paruk intel khawm ten Zoram Mega Food Park Khamrangah an din mek thu leh he Mega Food Park hian food processing lamah Mizoram State tan kawng a sahkuak theih ngei a beisei thu sawiin he hun a tel nu-ho te chu Zoram Mega Food Park chu tlawh ngei turin a sawm bawk.
Neihthangi Zote Bakery dintu chuan Zote bakery lo indin chhoh dan leh tun hun an thlen dante leh a tawn hriat te a sawi.
He exposure visit hi Cod Nerc Director B. Lalchhan-zova’n a ho a, SIBDI leh Cod Nerc ṭangkawp chuan Entrepreneurs thlan chhuah mi 25 te eizawnna bul ṭan nan `50,000/- ṭheuh an ruahman sak a ni.