Categories
Chanchinthar Hriselna leh Damdawi Mizoram

Lung nâ zawn chhuah beihpui thlâk

Health & Family Welfare Department hnuaia National Health Mission peng pakhat Rashtriya Bal Swasthya Karyakram (RBSK) leh Manipal Hospitals Bangalore tang dun chuan a tum 4-na atan Aizawl West DEIC, Kulikawn-ah Lung na zawn chhuah beihpui nimin khan an thlak.

He beihpui hi RBSK/RKSK State Nodal Officer, Dr. TC Hmingthangi leh Paediatrician Dr. RL Nunthara leh thawktu dangte’n an ho va. Manipal Hospital Bangalore atanga lo kal, Cardiologist, Dr. Lalchand H.Bandagi; Co-ordinator Dr. Rahul-a leh Echo Technician dang ten naupang Lung na zawn chhuah hna an thawk a ni.

Niminkhan naupang 150 vel inentir an awm a, zai hnua in-check-up tura lo kal an awm bawk. Vawiina naupang inentir zingah hian naupang lungna 70 chuang hmuhchhuah an ni a. Zai ngai mi thahnem tak an awm bawk a, zai ngaite hi Manipal Hospital-ah a huhova thawn an ni ang a, RBSK lam thawktuten a tul dan ang zelin an buaipui dawn a ni.

Mizoramah hian RBSK Programme bik hi July 2013 aṭang khan kalpui ṭan a ni a. He Programme hnuaiah hian nausen pianghlim aṭanga kum 18 inkar-te hriselna endiksak an ni thin a, RBSK hian natna 30 a huam a. Heng zinga natna 13-te hi enkawl-na tur senso RBSK-in an tumsak vek thei a, natna nei te zawn chhuah hna hi Hospital, CHC, PHC, Sub-Centre, Anganwadi leh School-ah te Mobile Health team ten an thawk reng a ni.

RBSK leh Manipal Hospitals, Bangalore hian August ni 28, 2017 khan piantirh aṭanga Lung natna neite enkawl turin inremna an lo ziak fel tawh a. Tun thlengin nau piang hlim atanga kum 18 inkar mi 62-ten Manipal Hospital-ah hian enkawlna an lo dawng tawh a ni.

By Editor

C.Lalrochhuanga,
New Serchhip, Serchhip - 796181
Mizoram
Contact: WhatsApp | Phone Call | Telegram

Leave a Reply

This site uses Akismet to reduce spam. Learn how your comment data is processed.