Labour, Employment, Skill Development and Entrep Minister Lalchandama Ralte chuan Mizoram Youth Commission hnuaia IAS Coaching Centre din chu tihtawp a nih tawh thu Assembly a hrilh.
C.Lalsawivunga zawhna ziaka chhangin Lalchhandama Ralte chuan MYC hnuaia Aizawl Dinthar venga IAS Coaching Centre din chu chhunzawm a ni tawh lova, tunah hian zirlai an awm tawh lo a ni a ti a. He coaching centre dinna leh enkawlna senso atan hian sawrkarin `2,00,61,300/- a seng ral tawh a, chuti chung chuan he coaching centre a zir zingah IAS a tling an awm lo niin a sawi a. Republic Chuanchunga department building chu mipui vantlang kuta hlan tura rawtna awm chu sawrkarin uluk takin a ngaihtuah mek a ni a ti bawk.