Categories
Chanchinthar Mizoram

MADC thlasik thutkhawm nei

Mara Autonomous District Council (MADC) thlasik ṭhutkhawm ni khat awh chu nimin khan MADC Session Hall-ah neih a ni.

Session hi MADC Chairman H.Sahlo-a’n kaihruaiin Panel of Chairman atan K.Chiama leh L.Khaichyu-te ruat an nih thu a puang a, unstarred question chhanna dawhkana dah a nih thu a puan hnuah zawhna leh chhanna hun hman a ni a.

Hetihlai hian eptu lam MNF MDC te chuan Council sorkar chu an pawm loh thu leh tuna ziaka an neih BJP Legislature Party leader chu K.Chiama a nih thu sawiin MADC sorkar chu eng sawrkar nge, tunge House leader tiin an au bengchheng a. Hetiang sawrkar chiang lo leh leader pawh chiang lo sawrkar hi zawhna zawh tlakah pawh an ngaih loh thu leh session-ah pawh telpui tlak nia an ngaih loh thu sawiin House an chhuahsan a ni.

Eptu lam member-te an chhuah hnu hian zawhna 3 chhan a ni a, chawhma lam session hman zawhah chawhnu lamah Session chhunzawm a ni a. EM MH Tiabi-a’n Zyhno VC thiahna paper house-a a pharh hnuah Chairman-in tiam chin awm lovin session hi a titawp zui a ni.

By Editor

C.Lalrochhuanga,
New Serchhip, Serchhip - 796181
Mizoram
Contact: WhatsApp | Phone Call | Telegram