Maharastra-a ṭangrual sawrkar Maharastra Vikas Aghadi (MVA) ten CM atana an rawt Shiv Sena hruaitu Uddhav Thackeray chu CM thar atan nimin tlai hian lakluh a ni dawn. State Assembly inthlanpui neihzawh takah khan Seat 288-ah Shiv Sena ten MLA 56, NCP 54 leh COngress ten 44 an nei a. Governor Bhagat Singh Koshyari chuan Uddhav Thackeray chu ni sarih chhung December ni 3 hmain Assembly House-ah sawrkarna an siam thei tih finfiah turin a hriattir tawh a.
CM lakluhna inkhawm hi Central Mumbai-a Shivaji Park neih a ni dawn a. Kum 20 hnua Sena CM ni leh hmasa ber tur a ni a. Shiv Sena atanga CM ni hnuhnung ber chu kum 1999-a Narayan Rane kha a ni a. Ani hma hian Manohar Joshi chu Shiv Sena atanga atanga CM hmasa ber niin kum 1995 he hna hi a lo chelh tawh a ni. Vawiina lakluhna inkhawmah hian Congress CM zawng zawng bakah Congress President Sonia Gandhi, MK Stalin, Mamata Banerjee, Arvind Kejriwal te sawm an ni.