Kumin December thlaa Mizoram State Games neih tur atana Serchhip Constituency tana inbuatsaihna kalpui chhoh ṭan a ni a, nimin khan bialtu MLA Lalduhoma Constituency Level Committee chairman ni bawk kaihhruaiin Serchhip DC meeting room-ah ṭhutkhawm a ni.
Thutkhawm kaihruaitu, Lalduhoma chuan Mizoram State Games neih turah Assembly Constituency hrang hrangte chu sports discipline 32 ah inelna neih tur a nih thu a sawi a, hemi atana hmalatu tur Serchhip Constituency Organising Committee vawi khatna atana an ṭhukhawm thei chu lawmawm a tih sawiin, inbuatsaihna kalpuitu tur Constituency Level Organising Committee member mawh-phurhna a san thu a sawi.
Meeting chuan inelna neihna tur sports discipline hrang hrang aṭang hian Ser-chhip Cosntituency hminga tel ve ngei nise an ti a, Serchhip Constituency hminga telna tur sports disciplice thlan chhuahte chu – Archery, Arm Wrestling, Athletics, Badminton, Boxing, Basketball, Body Building, Carrom Board, Chess, Football, Hockey, Table Tennis, Lawn Tennis, Motor Sports, Shooting, Volleyball, Indegenous Games, Tug of War, Teakwondo, Karate leh Wrestling-ah te niin, heng discipline hrang hranga mawhphurtu turte ruat nghal an ni a, heng mawhphurtute hian sports association hrang hrangte nen Serchhip bial aiawh tur player-te an thlang chhuak dawn a, player thlanchhuahte chu tun thla ni ni 16 aia tlai lovah Constituency Level Organising Committee-ah thehlutin, November ni 18 hian player thlan chhuahte leh hmalakna kal mek enho leh a ni ang a, sports disciplice thlan chhuahsa baka telna tur dang a awm a nih chuan a ṭul angin hmalak leh nise an ti bawk.
Meeting hian State Games atana inbuatsaihna tur sum thawh chhuah dan tur sawiho nghalin, Constituency Level Organising Committee Working Chairman H.Dolianbuaia, Project Director, DRDA Ser-chhip leh Constituency Level Organising Secrectary leh , Serchhip District Amature Taekwondo Association Presi-dent nibawk Vanlalhruaia-ten a ṭul angin hma lo la se an ti a, Sports discipline tinte hian inbuatsaihna tur budget lo siamin chu chu meeting leh hunah thlirho nise an ti bawk.
Tun thla ni 18 khian meeting hi neih leh tura ruahman a ni a, nimin meeting-ah hian Patron member leh Serchhip District Bawrhsap ni bawk Sangchhin Chinzah pawhin a telpui a ni.