Thla hmasa October ni 3 aṭanga Tripura Bru camp hrang hrang 6-a Mizoram khua leh tui awmte hruai kir hna, thawh 9-na kal mekah Thawhṭanni leh nimin khan Mamit district mi leh sa chhungkaw 11 hruaikir leh an ni a, heti hian tun tum hruai kir hna thawh chhung hian Mamit district mi leh sa chhungkaw 176 hruaikir tawh an ni.
Tripura Bru relief camp-a Bru NGO ten Central sawrkar kar nana thla hmasa ni 31-a kawng an danpin hnu hun engemaw ti chen Mizorama an lo kir duh tawh loh hnuah tun thla ni 20 atang khan Mizoramah an lo kir leh hlawm chauh a, tun ṭuma lo kir chhungkaw 11-te hi Mamit district chhung khaw hrang hrang 9-ah hruai kir an ni.