January-ah Guardiola-a’n player lak belh a tum lo

Manchester City manager Pep Guardiola chuan January transfer window-ah player lakluh a tum lem loh thu a sawi.

City hian an game hnuhnung 7-ah goal chhuah loh an nei tawh lova, tunah hian Premier League hmahruaitu Liverpool aiin point 11-in an hniam a, tun season-ah hian mi ṭhenkhat rin loh takin veteran Brazilian midfielder Fernandinho chu defence-ah a chhawr ṭhin a ni.

City central defence hi an chaklohna tih a chiang a, kumin nipui khan an skipper Vincent Kompany thlaktu tur an lei thei lova, Aymeric Laporte chu hliam vangin an chân rih bawk a, heti chung hian Guardiola chuan January thlaah squad thuam belh a tum lo tih a sawi a, “January thlaah player dang duh ka nei lo,” tiin a sawi a, Fernandinho a chhawr ṭhin chungchangah pawh, “He hmuna khel tur hian ka thlang a, chu chu a khelh chhan chu a ni mai,” a ti bawk.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram