Zothlifim Logo
Loading ...

Nimin khan ZORO ṭhalai Headquarters Aizawl chuan ZORO Office Treasury Square-ah meeting an nei a, meetingah hian R.Sangkawia ZORO President leh L.Ramdinliana Renthlei ZORO ṭhalai President-ten thu an sawi a, meeting-ah hian ‘Zo-Hnam inpum-khatna’ tih thupui hmanga seminar neih nise an ti.

Seminar hi February ni 17, 2020 hian CYMA Hall Tuikhuahtlanga neih turin an rel a, seminar-ah hian paper present turin Jangkhongam Doungel Professor, Department of Political Science and Director, Internal Quality Assurance Cell (IQAC), MZU chu ruat a ni a, meeting chuan Mizoram kohhran hrang hrangte hnenah Zohnam impumkhatna leh insuihkhawm chungchangah a ṭul anga hma la ve tura ngenna lehkha pek heuh nise an ti a, Aizawl khawpui college leh Higher Secondary School hrang hrangah awareness campaign nasa lehzuala neih nise tiin an rel bawk.