Categories
Chanchinthar Mizoram Zirna

Zirlaite pungkhawm

Kum 2017-a MSU hruaituten Chakma Zirlaite laka Mizo zirlaite thlavang an hauhna avanga, case awrh tir kalzelah, Aizawl City College Join Student Union huai-hawtin nimin khan Aizawl Vanapa Hall kawtah zirlai an pung khawm.

MSU President Vanlalliana chuan kalkhawm zirlaite hnenah, Mizo te, kan fin var tawk loh avangin Chakma ten District Council hi kan neih tir tih, thangtharten kan pawm tlan angai a; Central-in Chakma te a voh bikna hmang tangkaiin, Mizo leh Mizote min in vuak tira, chakma leh hnamdangte avanga Mizo te leh Mizote case kan in siam sak fo hi kan thu neitute kan in enfiah angai a ni a ti a. Hnamdangte chuan an hnam tana tha lo tura an ngaihah chuan, an hna ṭhate pawh an kal san ngam ang hian, keini mizote hian ram hmangaihna rilru pu a, kan ram hruaitute – kan sawrkar officer te pawhin hnam chungchangah, dan chhung piah lamah tih a ngai a nih pawhin, chumi kawng zawnga ti ve ngam tur chuan vawiinah hian kan in sawm a ni, a ti.

Zirlai hruaitute chuan, an hruaitute thubuai, Court-in ngaihtuah turin vawiin khan a ko a; he mi duh lo hian zirlai hruaitute hi court-a kal phal lovin, Vanapa Hall kawt leh District Court kalkawngah an kal tur dâlin an pung khawm ta a ni. Aizawl City College Join Student Union hruaitute sawi danin Case hi vawi tam withdraw tura tih niin, ngaihtha taka MSU OB te an awm laiin, Case hi a rukin a lo kal zel zawk a ni an ti a. Zirlai hruaitute thubuai neih hi tih tawp a nih loh chuan a tawp thleng a hma an lak tur thu an sawi.

By Editor

C.Lalrochhuanga,
New Serchhip, Serchhip - 796181
Mizoram
Contact: WhatsApp | Phone Call | Telegram