MCC chungchang inhrilhhriatna hmang

Serchhip biala MLA by-election neih tur inpuah-chahna kal zelah nimin khan District Bawrhsap leh District Election Officer ni bawk, Kumar Abhishek, IAS hovin political party hrang hrang hruaitute chu Election model code of conduct chungchang inhrilh-hriatna hun hman a ni.

He meeting-ah hian Serchhip District pumah model code of conduct hman a nih tawh avangin Minister leh MLA-ten Serchhip District-ah vote zawn nan hna pek emaw hmasawnna hna thawh emaw an tiam thiang lo tih sawilan a ni a, Lirthei chei dang lam vaka aurinna hmanga bengchheng siam phal a ni loh thu te, star campaigner recognised party-ah 30 leh unrecognised party-ah 15 bak kal phal a ni lova, an lo kal hma darkar 48 la awmah vehicle permit tifelin an inhriattir hmasa tur a ni.

Covid-19 vangin Public meeting-ah 100 aia tam awmkhawm phal loh a ni a, DC phalnain mi 50 phal belh theih a ni a, pawisa fai hi Rs.50,000 aia tam kawl phal a ni lova, Candidate sum hman theih chin hi cheng nuai 20 a ni.

Sawrkar hnuaia hna kal lai bak thawh theih a ni lo rih lo a, PM kissan list-ah thun belh awih a ni lova, a kal lai erawh kaltir chhunzawm zel tur a ni a, Banner pakhat zel campaign office ah 4×8 ft leh public meeting ah 4x6ft zar phal a ni a, mimal in leh compound-ah a neitu thu pawh nise flag pathum aia tam zar phal a ni lova, sawrkar deptt. ramah erawh campaign-na lam hawi zar leh tar phal a ni lo a, by-election a hman tur Electoral Roll thar ber tihchhuah leh tum a nih thu sawi a ni bawk.