PC Laltlansanga’n Tar châwmna sum îtah sawrkar a puh

Serchhip bial by-election neih tura Congress Party Official Candidate tur PC Laltlansanga chuan Inrinni khan Thenzawlah Serchhip West Block Congress Party, Thenzawl Upa Wing te nen inkawmhona an nei a, “Kan sawrkar kal mek hi ‘Old age pension’ (Tar chawmna kan tih mai) sum ît khawpa sum a harsa ta hi a vanduaithlak takzet a ni a ti a. Tunah hian Tar pension kan tih mai hi thla ruk chhung atan, kum 80 chunglamin 3,000 an lak ṭhin chu200 zel cut sakin 2,800 chauh an pe a. Kum 80 hnuailam1,500 la ṭhinte chu 100 cut sakin1400 chauh an pe bawk a. Hetianga sawrkar ve riang ruangin tar chawmna sum tlemte pawh ît khawpa an pachhe ta mai hi zahthlak rawng a kai hial a ni,” a ti.

PC Laltlansanga chuan, “MNF sawrkar chuan MLA an ngah a, MLA pakhat neih belh hi an mamawh lova, Mizoram in Oppositon MLA kan mawh tih hi mipui tam tak ngaihdan a ni a, khawi party atang pawhin tu pawh tling se, MLA fang vek kan ni dawn a, ruling party candidate pawh thlan tlin ni se minister post a khat vek tawh a, kan innghahna tur chu MLA fund tho vek a ni a ti a. Mizoram khawi MLA bial mah hi opposition bial annih vanga hlamchhiah an awm ngailo, hmasawnna hi chu a kal ngaiin a kal vek a ni,” a ti bawk.

PC Laltlansanga chuan, “Kum 2023, nakum kum leh mai hi MLA inthlanpui kum a lo ni leh ta der mai a. An term chanve dawn an hman hnu hian sorkarah hian ram rotling tur hmasawnna mipuiin an hmu lo a. Kan hotute sum hnutchhiah an hman zawh hnuah sorkar sum harsatna in a nang zui a. Pathian leh mipui zarah Congress party chuan hma a sawn zel a. He sum harsatna lak aṭanga chhanchhuak tur hian mipui ten Congress sorkar tir leh ngei an tum a ni’ a ti a.

Congress Candidate PC Laltlansanga chuan tunhnaia Thenzawl leh Serchhip tlawhtu MNF Party President, Chief Minister ni bawk Zoramthanga chuan bial hmasawnna tur pakhatmah a sawi lo tih sawiin, mipuite chu sum tamzia hlir a sawi khum a, a takah sum a awm si lova, bial leh ram hmasawnna sawi tur hre lovah a puh a, “Khawi Veng emawin an nuih-zat mai ang che u’ tih sawi tur mai mai chuan Chief Minister hi lo kal tawh suh se,” a ti bawk.