Nimin khan Govt. Hnahthial College chuan an College Auditorium-ah National Level Seminar on ‘Ropuiliani’ a buatsaih.
India Sawrkar ruahmanna in August 15, 2022-a India Independence kum 75-na lo thleng tur lawmna programme chu hman mek zel a ni a, he programme hi Azaadi ka Amrut Mahatsav (India Kum 75 Zalenna Hlimawm Kutpui) tih niin, chawlhkar 75 chhung hman tur a ni a, March 12, 2020 atang khan hman ṭan a ni a, Mizoram-a he programme kalpui tur hian State Level Committee on Celebration of 75th Anniversary of India’s Independence chuan hmalak dan tur a duang a, he Committee-in hmalakna tur a duan tihhlawhtlinna atan nimin khan Govt. Hnahthial College chuan College Auditorium-ah “National Level Seminar on ‘Ropuiliani’ a buatsaih a ni.
Seminar-ah hian Lalrinkimi, Asst. Professor, Dept of Mizo Seminar Paper, “Lalnu Ropuiliani Chanchin leh British laka a Rilru Put Hmang” tih leh Dr. K. Lalzuimawia, Asst. Professor, Department of History Seminar Paper “Resistance of Ropuiliani to Colonial Rule in Mizoram” tih ngaihthlak leh sawihona neih a ni.