Football thuthang (3.5.2021)

@ Everton chu Argentina striker Sergio Aguero lakluh duhtu zingah an tel ve leh ta a, Chelsea, Leeds United, Tottenham, Barcelona leh Inter Milan-te pawhin lakluh an duh ve mek a, kumin nipuia Manchester City a chhuahsan hunah free transfer-in a lakluh theih dawn a ni. (Star on Sunday)

@ France midfielder Paul Pogba chuan contract thar ziak a remti lo a nih chuan Manchester United hian kumin nipuiah kum 28 mi hi an hralh ang. (Sun on Sunday)

@ Egypt forward Mohamed Salah chuan Liverpool chuan contract pawhsei chungchangah amah an la dawr lo tih a sawi a, kum 28 mi contract neih lai hi kum 2023 nipuiah a tawp dawn a ni. (Sky Sports)

@ Manchester United chuan kumin nipuia Netherlands midfielder Donny van de Beek, 24, dawrna reng reng chu an hnar zel dawn. (Sun on Sunday)

@ Arsenal chuan Brighton leh Mali midfielder Yves Bissouma chu £30m-a a lakluh theih an beisei. (Star on Sunday)

@ AC Milan chuan Chelsea leh England striker Tammy Abraham chu an thlithlai mek a, West Ham pawhin an duh a ni. (Standard)

@ Belgium boss Roberto Martinez chu Premier League club enkawl tura kir leh turin a inhawng a, manager nei lo mek, Tottenham chuan an melh deuh a ni. (Sun on Sunday)

@ Tottenham-a Jose Mourinho hmunruak luah tur hian Fulham manager Scott Parker pawh sawirik a ni a, Parker hian player a nih laiin kum 2 a lo awm tawh a ni. (Football Insider)

@ Spain defender Sergio Ramos, 35, chuan Real Madrid-in kum 2 contract an pawhseipui a la beisei a, kumin nipuia a contract neih lai hmang zo tur Ramos hi kum khat daih chauh contract an zawrh tawh a ni. (Marca)

@ Spain defender kum 20 mi, kumin nipuia Manchester City-a contract hmang zo tur, Eric Garcia chuan Barcelona chu free-a zawm a remti ṭep tawh. (Mundo Deportivo)