India sawrkarin kum 18-44 inkar a upate Inrinni aṭanga Covid-19 hri danna a pek tur chu Mizoramah chuan Inrinni aṭangin pek ṭan ve theih a ni ta lo.
Sawrkar thuchhuahin a tarlan danin, kum 18 chung lamte hri vênna pêkna tur hian sawrkar laipuiin a thlâwna hri danna a rawn pêk tawh sa chu hman theih a ni lova, kum 18-44 inkar pek tur bik hi chu State tinin a hranpa a an lei a ngai dawn a ni. Covishield Vaccine siamtu, Pune khawpuia hmunpui nei Serum Institute Pvt. Ltd., Pune pawh Mizoram sawrkar chuan dawr tawhin, anni hian rampuma pêkchhuah tur an buaipui avangin, rang takin an pe chhuak zung zung thei lova, chuvangin Mizoram bikah kum 18-44 inkarte chuan an la nghah hlek a ngai dawn a ni.