Ni 7 liam ta chhunga Covid-19 hri kai mi 163 lai hmuhchhuah an nih avangin Baktawng Tlangnuam (Chhuanthar)ah nimin khan sample test beihpui thlak a ni a, Chhuantharah hian mi 2224 chengin nimin tlai dar 5 thlenga sample test 1255 zingah Covid-19 positive 80 hmuhchhuah tawh a ni a, hei hi za zela 6.37 a tling a, sample test hi kalpui chhunzawm zel a ni.
July ni 15, 2021-ah Chhuanthar mi 3-te Aizawlah RAgT Negative Certificate mamawhna avangin an in-test a, hetah hian positive an ni tih hmuhchhuah a ni a, an kaihhnawiha test neih chhoh zelah hmuh belh zel an ni ta a, ni 16-ah mi 16 hmuh niin, ni 17-ah 24, ni 19-ah 4, ni 20-ah 62, ni 22-ah mi 54 hmuh zui an ni ta a ni.