Zothlifim Logo
Loading ...

Mizoram leh Assam inrina hmun ṭhenkhat chu tunlai hian Kolasib DC Dr. H.Lalthlangliana hmalakna in thuam ṭhat mek a ni a, hemi atan hian Kolasib leh Kawnpui khuaa lung quarry neitute chuan an lung ṭhahnem tak niminpiah aṭang khan ramriah hian an phurlut mek a ni.

Assam nena inrina kawng ṭhenkhatte hi fur lai a nih avangin rikrum thilah leh ramri venga kal vel nan a harsat ṭhin avangin Kolasib DC chuan a theih ang angin a thuamṭha mek a. Hemi atan hian Kolasib leh Kawnpui khua a Lung Quarry neitute chuan boulder an thawh a, a phurna lirthei man erawh chu a ba in kalpui a ni thung.

CT Mawia, Kolasib Diakkawnte chuan lei laihna khawl (excavator) pahnih an thawhchhuahpui bawk a, Aizawla mi pahnih pawhin an lei laihna khawl (excavator) pahnih an thawhchhuahpui bawk. Kawng laih mek leh thawm ṭhatte hi ramria lirthei kal harsatna hmun leh tunhnaia kawng thar laih ṭhenkhatte a ni.