Nimin khan Serchhip District Consumer Association leh District Commission te chuan an president Dr HTC Lalrinchhana hovin Virtual Meeting an nei a, Serchhip District-a Consumer thubuai chinfel dan tur an sawiho.
Serchhip District Commission-ah hian Consumer-te thubuai ngaihtuah turin member 3 an awm a, President chu Dr HTC Lalrinchhana, Senior Judge Aizawl niin Court member te hi K.Lalrinchhana leh Zoramchhani, New Serchhipte an ni a. Serchhip District chhunga hian court president lam remchan loh ṭhin avangin tunhnaiah consumer court ṭhut hleih theih a ni lova, tunah hian president thar sawrkarin a dah tawh a, nimin meeting chuan consumer court case pending neih laite pawh tinung thar lehin court hi function leh thuai turin hmalak nise an ti a ni.