Nimin khan Chief Minister’s Relief Fund (CMRF) hman dan tur ngaihtuahtu Committee on Utilization of Chief Minister’s Relief Fund for COVID-19 ṭhukhawm chuan Lockdown puan chhunga harsatna tawk, chhuanchhamte ṭanpui nan leh COVID-19 hri vei te enkawlna atan cheng nuai 292.60 (`2,92,60,000) semchhuah an remti.

CMRF for COVID-19 chairman Lalnunmawia Chuaungo, Chief Secretary, hova nimina Chief Sec-retary’s Conference Hall, MINECO-a ṭhukhawm chuan COVID-19 hrileng laka mipui an him theih nan hun rei tak inkhuahkhirhna kalpui avanga eizawnna hna thawk chhunzawm theilo, harsatna nasa tak tawk an awm thu sawilangin, a bik takin AMC area huam chhungah chhawmdawl ngai an tam thu report a ni a, District hrang hranga COVID-19 veite enkawlna hmuna mamawhna hrang hrang awmte sawi ni bawkin, heng atan hian Chief Minister’s Relief Fund for COVID-19 aṭanga chhawmdawlna hi pek remtih a ni.

AMC huamchhunga chhungkua 7,330 chhawm-dawl nan 1,46,60,000 pek remtih a ni a, chhungkaw khat hnenah2,000 zelin pek a ni dawn a, hemi bakah hian district tina hrileng veite enkawlna hmun hrang hranga a ṭul anga hman turin an DC-te ṭheuh kaltlanga chhawmdawlna pek remtih ni bawkin, hemi atan hian `1,46,00,000 sanction a ni bawk.

CM Relief Fund-ah hian cheng nuai 342.69 (3,42,69,408) a la awm mek a, heta tang hian nimin meeting chuan2,92,60,000 semchhuah a rel a, heti hian COVID-19 hrileng dona tura sum sen tawh zawng zawng chu `29,72,40,470 a ni dawn a ni.

Chief Minister’s Relief Fund for COVID-19-ah hian Addl.Chief Secretary JC Ramthanga chu Co-Chairman niin, Finance Commisioner Vanlal-chhuanga chu Member Secretary a ni a, tlawmngai pawl NGO Co-ordination Committee aiawh Vanlalruata CYMA President leh Mizoram Kohhran Hruaitute Committee (MKHC) Secretary Rev. R.Lalrinsanga te chu member niin, nimin meeting-ah hian an tel kim vek a ni.