Zothlifim Logo
Loading ...

Lok Sabha MP C.Lalro-sanga chuan nimin khan Parliament House, New Delhi-a a pisaah Communications, Railways, Electronic & IT Union Minister Ashwini Vaishnav hmuin, Mizoram mamawh ṭhenkhat a sawipui.

MP(LS) chuan inbiak-pawhna leh internet connectivity ṭhat tawk loh thute Minister chu hrilhin, a ṭhat lohna laite, a bikin ramri hrul hmunahte BSNL leh Company dangte network leh signal tihṭhat a ṭul thu a hrilh a, minister chuan Mizoram leh hmarchhak state dang ṭhenkhat harsatna leh mamawhte enfiah turin central sawrkar official-te a tirh tur thu MP chu a hrilh a ni.

Phai lam leh Mizoram inkara dak-a thil thawn a chak tawk loh ṭhin thu sawiin, MP chuan hma la turin Minister chu a ngen a. Mizo-rama relkawng phah mek chungchangah Railways Minister ni bawk Vaishnav chuan Mizorama relkawng phahna tura leidawh leh leiverh siam hna a kal chak zawk theih nan Bairabi aṭanga Sairang thlenga relkawng phahnaa tualchhung harsatna awm ṭhinte lo enpui turin MP chu a sawm a ni.