Skip to content
Home » Chanchinthar » Electric bill sâng dodal tum

Electric bill sâng dodal tum

Congress Ṭhalai (MPYCC) chuan mipui an harsat leh retheih laia Electric Bill tihsân rawtna a awm a nih chuan mipui thlavang hauha hma an lak tur thu an sawi.

Nimin khan MPYCC chuan thuchhuah siamin, Mizoram sawrkar chuan mipui phurrit ni mek kawlphetha chhit man tihsan nawn leh tumin, Chanchinbu lamah February ni 20, 2022 thleng dodalna (objections) thehluh theih a ni tia tarlan a nih thu an sawi a, nikum, 2021 khan Covid-19 avanga mipui mangan ber laiin April thlaah kawlphetha chhit man chu MNF sawrkarin zaa 41.92 laiin tihsan a rawt a, an rawtna a sân em avangin JERC chuan zaa 20.68-in a tisang ta zawk a, kawlphetha chhit man sang taka tihsan a nih aṭanga kum chanve a liam awrh tihin, kawlphetha chhit man tihsan tum a ni leh ta tih tarlangin, mipui rawk tumna leh harsatna nasa zawk siam chu an dodal tlat thu an sawi.

Congress Ṭhalai chuan sum indaih lohna Finance Minister, Chief Minister ni bawkin a sawi reng chu chhuanlam tlinga an ngaih loh thu sawiin, a ngaihna a hriat loh vang leh, Restricted Tender-a a duhsak zawng hna lian, hna pawimawh hmasa ni lo, insiam len nan uchuak taka a hman vangah an ngai tih an sawi bawk.

Leave a Reply

This site uses Akismet to reduce spam. Learn how your comment data is processed.