Sakawrhmuituai tlanga skywalk leh Chaltlang-Durtlang inkara ropeway siam chungchang thubuai chu a chhuitu (preliminary inquiry) Anti Corruption Bureau (ACB) lamin an chhuina report Lokayukta ah an la thehluh loh vangin thubuai kal zel dan tur hriat theih a la ni lo. Lokayukta chairman C.Lalsawta IAS (Rtd) sawi danin, ACB in thubuai an chhui hun chhung tur chu ni 45 tih ni mahse, chhan hrang hrang vangin thubuai chhui chhung a rei ṭhin a, skywalk leh ropeway thubuai chhui mekah pawh state pawn lam company hming a lan bawk vangin chhui hun chhung a rei phah thei bawk niin a sawi a, ACB-in an chhuina report a hmuh hunah regular FIR ziahluh tur nge tihah thutlukna siam tur a la nih thu a sawi bawk. Skywalk leh Ropeway chungchangah hian MNF party a Vigilance department leh Legal Board te chuan November 22, 2021 khan Lokayukta ah complaint an thehlut a, zirchian a nih hnuah December thla bul lam khan ACB kutah dah a ni.
Loading ...