Nimin khan Delson Notlia, BJP National Secretary, Minority Morcha & Assam State Incharge ni bawk leh Dr. BD Chakma, MLA, BJP Mizoram State Vice President ten Mizoram Larsap Haribabu Khambhampati chu Raj Bhavan-ah hmuin BJP National Secretary Delson Notlia chuan thlakhat chhunga Mara Autonomous District Council (MADC) hnuaia khua 46 a tlawhna report chu Larsap hnenah pe-in Siaha District-in harsatna an neihte a sawipui a, Central Scheme hrang hrang chungchang te, SBI hnuaia ATM Booth leh Branch dah belh a nih theihna tur a hmalakpui turin Governor chu a ngen a ni.
BJP State Vice President Dr. BD Chakma MLA pawhin CADC hnuaia mipuiin harsatna hrang hrang an tawh te Larsap hi a sawipui a ni.
Larsap chuan Siaha District a ngaih pawimawh avangin zan khat riaka a kal tawh thu te, Central Scheme hrang hrang duh anga mipuiin an hre tawk lo chu pawi a tih thu leh Central Scheme chungchangah pawh Mizoram a Official Concern Department-te a sawipui tawh thu a lo hrilh a, State Bank of India hnuaia ATM Booth/Branch pek belh tura a ngen tawh thu leh harsatna an neihte pawh chinfel a nih theih nan hma a lak tur thu a sawi a ni.