Mi tang 105 awm theihna, Champhai District Jail-a tâng mek mi 116 zingah mi 75 ten tunlai hri leng, Covid-19 hri an kai tih hmuhchhuah a ni a, hri kai te hi mipa 72 leh hmeichhia 3 an ni.

Thu dawnnain a sawi danin Champhai District Jail-a tâng mek mi 116 te zingah hian hritlang khawsik neuh neuh an awm avangin Jail-a thawktu leh enkawltute ruahmannain ni 15 khan an dinhmun enfiah a ni a, Rapid Antigen hmanga endik an nih hnuah Jail tang zinga hmun thuma ṭhena hmun 2 dawn laiin Covid-19 hri an kai tih hmuhchhuah a ni ta a ni.

Covid-19 hriin a chimbuai mipate hi Ward 2, CCC atana an ruahmanah midang nena inchimbuai lo tura khung hran an ni a, hmeichhe 3-te pawh hmun dangah khung hran nghal an ni a, Covid-19 hri kaite hi damdawiina dah luh ngai khawpa ngaihtuahawm an awm lo a ni.