Nimin khan Mizoram Journalists’ Association, Mamit District chuan Annual Conference vawi 14-na leh Mizoram Journalists’ Association din champha (Golden Jubilee) puala lungphun hawnna an nei a, Zonunsanga Kiangte, President, MJA Gen. Hqrs. chu Khuallian a ni.
Khuallian Zonunsanga Khiangte, President, MJA Gen.Hqrs. chuan thu sawiin, “Pathianin min hruaina avangin MJA-in Golden Jubilee hial kanlo thleng thei ta hi a ropuiin Pathianin Journalist hna hi min pawmpui a ni,” a ti a, “Journalist te zingah sum leh paia tuihâl huam huamte chu an awm rei peih lova, teirei an peih loh vangin an daih rei ṭhin lo a ni,” a ti a, “MJA memberte hi chu kan tuar a fei a, pawl danga aia kan danglamna chu kan hna avanga intelkhawm kan ni a, chuvangin, kan inpawh bik hle a ni,” a ti bawk.
Paul Rokima, DIPRO, Mamit leh RD Darthan-zauva President, MJA Mamit District-te pawhin thu an sawi a, kum 2022-24 chhunga District MJA hruaitu thar an thlang nghal a, President-ah C.Lalram-dinzela, Vice President-ah Lalhuma leh Treasurer-ah Lalrinsanga-te an thlang a ni.