Mizoram Rajya Sabha MP K.Vanlalvena chuan Nilaini khan Mamit District Chuhvel khaw daia Assam ramri bul hnaiha Mizoram Police Duty Post-te a tlawh a, nikum lama Assam police-ten Mizoram chhunga Halliday-a huana hnathawk-tute an rawn tihbuai avanga Mizoram sawrkarin Mizo-ram Police Duty Post a siam tharte hi a hmunah kal chilhin an dinhmun te a en a ni.
MP chuan Google Map imaginary boundary line tih chhuanlama hmanga Assam-hoten an ram nia an chhal thui tak awpa Mizoram sawr-karin Police-te duty post a siam thar chu thil chhinchhiah tlak tak a ni, a ti a, helai hmuna Police Duty post tur building 5 sak thar tura Mizoram sawrkarin tender a chhuah mek te, a panna kawng ṭha zawk siam tura sawrkar inbuatsaihna te, Police duty post a solar light sawrkarin a lo dahte chu lawmawm a tiin, thlamuan thlak a tih thute a sawi a. Mizoram Police duty post panna kawnga luite pahnih chunga motor lei dawh ṭhatna tur pawh MP LAD Fund neih hunah pek ngei a tum thu a sawi bawk a ni.
Helai hmuna Police Duty post pahnih ah te hian ramri vengtu police 37 rual an duty mek a ni.