Mizoram sawrkar hnuaia a nghet loa thawk intelkhawm Provisional Employee Association of Mizoram chuan sawrkara laka lungawi lohna lantir nan Mass Casual Leave nimin aṭang khan an la a, ni 2 chhung pisa kai loh an tum.
Provisional Employee-te hian Mizoram sawrkarin an thawh ngheh ve theihna tur austerity measure hmanga a danna a la phelh loh avang leh an intunnun ve na tur nia an sawi NPS nei thei tura hma a lak sak loh avangin a huhova pisa kai loh hi an rel a.
Nimin khan Addl. Chief Secretary JC Ramthanga chuan an hruaitute lêngah sâwmin hemi chungchang hi a lo sawipui a, an inbiaknaah an la lungawi kim loh avangin mass casual leave chu chhunzawm an tum tih an sawi a, Provisional Employee hruaitute chuan ni hnih chhunga sawrkarin aw a nei lo a nih chuan tiamchin awmloa hma lak zel an tum tih an sawi a ni.