Zothlifim Logo
Loading ...

Khaw 6 Restricted Area nihna hlihsak
Serchhip P&E Veng Village Council leh Then-zawl West Village Council huam chhungah Covid-19 hri kai hmuhchhuah an pun zel avangin, heng hmunahte hri leng a darh zel tur vênna Serchhip District Bawrhsap, Nazuk Kumar, IAS chuan heng Village Council pahnih huamchhungte hi ni 27.1.2022 tlai dar 3 aṭang khan thu leh awm hma chu Hmun khuahkhirh bik (Restricted Area)-ah a puang.

Thupekah chuan Restricted area chhunga cheng zawng zawngte chu mahni inah inkharkhip vek tura hriattir niin, Restricted area chhunga lirthei tlantlang reng reng chawlh emaw din emaw khap tlat a ni a, rikrum leh hmanhmawh-thlak thil ṭulah chuan VLTF remtihna leh sawrkar dan siamsa zawmin chhuah phal a ni a, phalna neite chu he khuahkhirhna hian a huam lo a ni.

Hetihrual hian Covid-19 hri leng avanga Serchhip District chhunga restricted area-a lo puan tawh khaw 6 Chhingchhip, Bungtlang Chhim Veng, Rullam, Ngentiang, Piler leh Lungpho-te chu Contact tracing tihzawh tawh a nih avang leh hri kaite an dam tak avangin restricted area an nihna hlih a ni thung a ni.


Warning: Undefined variable $post in /home/lahj9ae7in9c/public_html/wp-content/themes/newsup/inc/ansar/hooks/hook-index-main.php on line 117