CYMA hruaitu ten ramri ah Motor ṭha zawk dah a ṭul thu Mizoram DGP hnenah an thlen.
Nilaini chawhnu khan CYMA hruaitute leh Mizo-ram DGP Srivastva, IPS te chu DGP Pisa-ah an inkawm a, he hunah hian thawhhona tur kawng hrang hrangte sawiho niin Ramri kan a ruihhlo leh Kuhva rah ro tawlh mek chungchangah thawhhona ṭha neih a tul thu leh theihtawp chhuaha Police te leh YMA te ṭanho a tul thu sawi a ni.
CYMA hruaitute chuan ramria Police duty na hmun thuam chak a ṭul thu sawiin Duty Post atana mamawh Solar Plate, tui thianghlim intur te leh inkalpawh zung zungna atana Motor ṭha zawk dah a ṭul thu te DGP hnenah hian an thlen a, Police Dept. lirthei indaihzai zawka hman a nih theih nan leh Police-te hmandan ah daihzai zawka ruahmanna siam turin DGP chu an ngen bakah, Police indaihlohna leh post ruak hnawh khat tura YMA-in sawrkar a ngenna sawilan a ni bawk a, CYMA hruaitute ngenna hi lo enzui a tum thu DGP chuan sawiin, District hrang hrangah SP-te leh Sub-Headquarters YMA hruaitute thawhhona ṭha a awm theih nan ṭanlak a tum thu DGP hian a sawi bawk a ni.