Zothlifim Logo
Loading ...

Power & Electricity Minister R.Lalzirliana chuan Saitlaw khua êng pêkna tur leh Saiphal project a hmunah nimin khan a enfiah.

In 10 awmna Saitlaw khua hi kum 20 chuang kalta khan Electric êng pêk tawh a ni a, kum hnih khat hnuah tihtawp a ni leh a, chumi bâk chu tun thlengin he khua hian Electric êng an hmu leh lova, Mizo hlang awmna khuaah chuan Saitlaw khua chiah hi electric êng la chhi ve lo khua nia sawi a ni.

P & E Minister chuan Mizoram khua zawng zawng êng pêk vek an tum thu leh tunah hian khaw tlêmte pek loh la awm zingah Saitlaw hi hun reiloteah êng a luh ngei a beisei tih a sawi a. Megawatt 3 vel pe chhuak thei tura beisei Saiphal lui hi khuah a nih chuan helai chhehvel khua engemawzat a châwm thei dawn tih Minister ṭawiawmtu SE Laldela Sailo chuan a sawi a, tunah hian Survey/Investigation tih thuai tum a nih thu a sawi bawk.