Zothlifim Logo
Loading ...

Myanmar aṭanga raltlan Serchhip District-a awm chhinchhiah zat chu 284 niin, raltlante chhinchhiah fel hna hi tun thla chhungin zawh tum a ni.

Nimin khan Serchhip District chhunga Myanmar raltlante chungchang ngaih-tuahin, District Level Committee on Myanmar Refugee chu an chairman, District Bawrhsap Nazuk Kumar, IAS hovin DC meeting room-ah an ṭhukhawm a, he ṭhutkhawmah hian Myanmar ram buai avanga ral tlan lo lutte lo dawnsawn dan tur kawng hrang hrang ngaihtuah a ni a, tunah hian District chhungah raltlan mi 284 an awm mek anga report a nih thu sawilan a ni a, raltlante hi mumal taka chhinchhiah an nih theih nan ID Card pek nise tih a ni a, hemi atana hmalakna kal mek ngaihthlak niin, February thla chhung hian tihfel hman tum a ni a, dan leh thupek zawm kawngah Police, Village Council bakah NGO kaltlangin inzirtirna neih nise tih a ni bawk.

He ṭhutkhawmah hian Serchhip District-ah chuan Mizoram hmun dangte angin a huhova raltlan awmkhawmna a awm rihlo tih sawilan a ni bawk.

Kum kalta December thlaa High Level Committee on Myanmar Refugee-in District tina Committee din tura a tih angin nikum khan Serchhip District Level Committee on Myan-mar Refugee hi din nghal a ni a, Chairman-ah DC niin, Member Secreatry-ah SDO (Sadar) ruat a ni bawk a, Nodal Officer atan Addl. DC chu ruat a ni a, member enge-mawzat an awm bawk a ni.