Chief Minister Zoramthanga chu nimin tlai khan Union Minister of Ports, Shipping and Waterways, Sarbananda Sonowal chuan a chenna inah hmu in an inkawm.
Chief Minister Zoramthanga leh Union Minister Sarbananda Sonowal chuan Mizoram hmasawnna tur hmalakna hrang hrang te an sawidun a. Union Minister chuan India hmarchhak ṭhanlen leh hmasawnna chu sawrkar laipuiin a ngaih pawimawh hle thu a sawi a. Union Minister Sonowal chu Transport Department hotute nen lui hmanga inkalpawhna (inland waterways) chungchanga meeting nei zo chiah a nih angin Chief Minister chuan hemi kawnga state in hmachhawp a neihte chu a hlawhtlin a nih ngei theih nan hma lakpui turin a ngen a. Thil dang hrang hrang bakah Mizoram tan All India Service ah cadre hran neih pawimawhna te sawipuiin, Cadre hran a awmloh avanga sawrkar inrelbawlnaah harsatna awm phah thin te a sawipui bawk.
Union Minister leh Chief Minister inkawmnaah hian Transport Minister TJ Lalnuntluanga pawh a tel a, Sarbananda Sonowal hi AAYUSH Minister a nih angin vawiinah Ayush hotute nen meeting a neih leh dawn bawk a ni.