Nimin khan MP (Lok Sabha) C Lalrosanga chuan Parliament House office-ah Road Transport and Highways Minister Nitin Gadkari hmuin Mizorama kawngpui sial leh siamṭhat chungchangte a sawipui a, hna kal mekte bakah Central Infrastructure Road Fund hmanga Mizorama hna-thawh tur rawt te pawmpui thuai turin a ngen a ni.
C.Lalrosanga chuan CIRF hnuaia Sihhmui – Ram-rikawn kawng cheng vaibel-chhe 99 vel senga thawm ṭhatna tur project pawh pawmpui turin, Union Minister chu a ngen a, Chief Minister Zoramthanga hma-lakna anga Durtlang Leitan – Sihphir kawng tihzauh leh siamṭhatna tur project pawmpuina Ministry of Road Transport and Highways-in a pe chhuak ta chu lawmawm a tih thu sawiin, 10Km vela thui helai kawng siamṭhatna tur atan hian cheng vbc. 46.57 CIRF Fund hnuaiah ruahman a ni.
He hunah hian Union Minister of State for Road Transport and Highways, Gen VK Singh pawh a tel a ni.