Home » Chanchinthar » CM leh Bangladesh Minister inkâwm

CM leh Bangladesh Minister inkâwm

Chief Minister Zoramthanga chu MacDonald Hill-a a chenna inah nimin chawhma khan Bangladesh Minister of Commerce Tipu Munshi chuan hmuin Mizoram leh Bangladesh inkar insumdawntawnna chungchangah an inkawm.

Chief Minister leh Bangladesh Minister chuan ramri a bazar (border haat) siam ṭha an tih chungchang te, insumdawn tawnna puitling a awm theih nan a hmalak ngai tur thil te, inkalpawh tawnna chang-tlung tak siam a pawimawh thute an sawidun a ni.

He an inkawmnaah hian Commerce & Industries Minister Dr. R.Lalthangliana leh Dampa Assembly Constituenc bialtu, Dy. Govt. Chief Whip Lalrintluanga Sailo-te pawh an tel a ni.

CM nen an inhmuh zawh hian Bangladesh Minister chuan Laldenga thlan ah zahna pangpar a dah a. Press mite kawmna hun hmang lehin, Minister-te hian Joint Statement an sign a. Chawhnu khan Tipu Munshi hian Mizoram a chhahsan a ni.

Leave a Reply

This site uses Akismet to reduce spam. Learn how your comment data is processed.